-
Мыйзамдуу өкүл
-
МЫЙЗАМДУУ ӨКҮЛ – мыйзамга ылайык баардык мекемелерде, а. и. соттордо жөндөмсүз, жөндөмү чектелүү, жөндөмдүү, бирок денсоолук абалына (жаш курагына, оору ж. б. боюнча) байланыштуу өзүнүн укуктары менен милдеттерин өздөрү ишке ашыра албагандардын жеке жана мүлктүк укуктарын жана мыйзамдуу кызыкчылыктарын коргоочу жаран. Бул аракеттерди ишке ашыруу үчүн, сотко анын ыйгарым укуктарын күбөлөөчү документтер көрсөтүлөт. Кылмыш иштеринде күмөндүүнүн (айыпталуучунун), жабырлануучунун, күбөнүн ата-энеси, асырап алуучулар, камкорчулар, көздөөчүлөр ошондой эле иштин толук эмес жөндөмсүз катышуучулары багуусунда турган балдар үйлөрүнүн, майыптар үйлөрүнүн ж. б. ушул сыяктуу мекемелердин өкүлдөрү, камкорчу жана багып алуучу органдардын өкүлдөрү (эгер иштин толук эмес жөндөмсүз катышуучусунун башка М. ө. жок болсо, же алар ишке киргизилбесе) М. ө. болуп саналышат. Жарандык иште – ата-энелер, асырап алуучулар, камкорчулар жана көздөөчүлөр М. ө. болушат.
Можете поискать примеры использование слово Эл-Создук:
мыйзамдуу өкүл