-
МАНАС РАЙОНУ
-
МАНАС РАЙОНУ — Талас облусунун түндүк-батышындагы администрациялык район. 1980-ж. уюштурулган. Аянты 1.044,5 миң км2. Калкы 27,04 миң (1990); көбү кыргыздар, андан башка орус, казак, татар, немец жана башкалар улууттар жашайт. Райондо 5 айыл совети, 22 кыштак, 5 совхоз, 2 колхоз, 5 токой чарба бар. Борбору — Покровка кыштагы.
Райондун аймагы Талас өрөөнүнүн Кыргыз Ала-Тоосу менен Эчкили-Тоо, Ак-Таш, Кызыл-Адыр тоолорунун аралыгында жаткан бөлүгүндө жайгашкан. Чарбасынын негизги тармагы айыл чарбасы, анын ичинде дыйканчылык өнүккөн. Райондун аймагында Киров суу сактагычы курулган. Райондо кесиптик-техникалык окуу жайы, 12 орто, 6 сегиз жылдык, 2 башталгыч мектеп, 1 спорт мектеби, 20 китепкана, турмуш-тиричилик комбинаты, 13 клуб бар. 3 оорукана, 2 бейтапкана, 11 фельдшер-акушердик пункт, санитария-эпидемиология станциясы иштейт. Райондук «Эмгек даңкы» гезити чыгат.
Можете поискать примеры использование слово Эл-Создук:
МАНАС РАЙОНУ