-
эсеп
-
зат. 1. Ар кандай нерселердин саналып, саны такталып чыгарылган жалпы жыйынтыгы, канча экендигин көрсөткөн жалпы саны. Күн эсеби белгилүү Жылда болот турбайбы (Алыкулов). Кеткенине жети күн Болду бүгүн эсеби (Үсөнбаев). Малдын жалпы эсеби. Эмгек күндүн эсеби. Акчанын эсеби.
2. Арифметика. Эсептен сабак берген Сартбаев балдардан сабагын сурай баштады (Сыдыкбеков).
♦Эсеп-кысап — ар кандай эсеп иштери, эсепке тийиштүү маалыматтар. Кампанын эсеп-кысабын жатка билген киши экен (Бейшеналиев). Орто эсеп менен — кандайдыр бир нерсенин эң жогорку көрсөткүчү менен эң төмөнкү көрсөткүчүнүн орточо саны, орточо болжолдуу эсепти-көрсөтө турган сан. Бир машина орто эсеп менен 80 гектар жердеги пахтаны терүүгө тийиш («Коммунист»). Эсебин табуу — ар нерсенин ыңгайын, шартын, жөнүн таап иштөө, аракет кылуу, бүтүрүү, жайлоо. Чын эсебин табайын, Чыркыратып бул таздын Башын кыя чабайын («Эр Төштүк»). Эсеби жок — эң эле, абдан, болжолсуз, ченемсиз. Эсеби жок эр Төштүк («Эр Төштүк»). Макел Дөө деген балбаны Эсеби жок чоң экен («Манас»). Эчки, теке, кийиктер Эсеби жок семирген (Токтогул). Сары эсеп — пайда чыгаруу, пайда көрүп калуу аракетиң жасап, аябай так, зыкымдык менен эсеп жүргүзгөн киши. Сарамжалың сан жеткис Сары эсеп киши экенсиң (Калык).
| Основные характеристики | |
|---|---|
| Часть речи | Имя существительное |
| Ед. число | эсеп |
| Множ. число | эсептер |
Склонение по падежам - "эсеп"
Ед. число
| Падежи | Ед. число |
|---|---|
| Именительный Кто?, Что? | эсеп |
| Родительный Чей? | эсептин |
| Дательный Кому?, Чему?, Кому?, Куда? | эсепке |
| Винительный Кого?, Что? | эсепти |
| Местный Где?, У кого? | эсепте |
| Исходный Где?, У кого? | эсептен |
Множ. число
| Падежи | Множ. число |
|---|---|
| Именительный Кто?, Что? | эсептер |
| Родительный Чьи? | эсептердин |
| Дательный Кому?, Чему?, Кому?, Куда? | эсептерге |
| Винительный Кого?, Что? | эсептерди |
| Местный Где?, У кого? | эсептерде |
| Исходный Откуда?, От кого? | эсептерден |
Также найдены следующие похожие слова на Кыргызском языке
Можете поискать примеры использование слово Эл-Создук:
эсеп