I зат. Киши турууга, мал же башка үй айбандары үчүн дубалдары кыштан же топурактан тургузулуп жасалган үй. Там үй. Уй там. Тоок там.
♦ Там-таш — үй жана короо-жай. Жамгыр түн ортосунда там-шашты дыбырттатып сабап кирди (Бейшеналиев). Элдин баары там-ташын оңдоп, жаңы үйлөр салууга киришти (Бейшеналиев).
ТАМ II этиш. Тамчы түрүндө үзүлүп-үзүлүп, бөлүнүп түшүү, тамчылоо. Мына-мына тамчы турат тамганы (Аалы). Жаандын бүгүн жааганын карачы. Демейде тилеп жатса да бир таамп койбос эле (Байтемиров).
ТАМ III этиш. Тутануу, күйүү. Өчкөн отум тамгандай, Бир укмуш көзгө көрүндү (Жантөшев).
ТАМ IV: там-туң басуу — жаңыдан басайын деп аракеттенип, бут шилтөө, жыгылып-туруп, тамтаңдап басуу. Үсөн тамтуң басып келип, тизесин кучактай жыгылган кызын кайра тургузуп, көтөрүп алып төркү бөлмөгө жөнөдү (Таштемиров).