Перевод слова «Котировка» с Русского на Кыргызский язык

Котировка: КУНДАШТЫРУУ – биржада чет өлкө валюталарынын, баалуу кагаздардын (акция менен облигациялардын) же товар бааларынын курсун аныктоо; баалуу кагаздар менен товарлардын биржада жүгүртүлүшү; баалуу кагаздардын, чет өлкө валюталарынын, товарлардын биржалык курсу жөнүндөгү ырасмий жарыя. К. адатта товардык, фондулук же валюталык биржалардын атайын органдары (К. комиссиясы) тарабынан жүргүзүлүп, товарлардын дүң баасы, баалуу кагаздардын (акциялар менен облигациялардын), чет өлкө валюталарынын курсу боюнча биржа бюллетенине жарыяланат. Биржадагы К-га экономикалык жактан кыйла күчтүү болгон акционердик коомдордун гана чектелүү сандагы баалуу кагаздарына жол берилет. Ал эми чет өлкө валюталарынын курсу мамлекеттик органдар тарабынан белгиленет.

Котировка: Рынок коньюнктурасына ылайык, белгилүү бир күнгө карата чет өлкө валюталар курсун, баалуу кагаздар наркын же рыноктогу товарлардын баасын белгилөө.

Перевести через онлайн Переводчик