Menu
Эл-Сөздүк

Ортоктош милдеттенмелер (талаптар)

ОРТОКТОШ МИЛДЕТТЕНМЕЛЕР (ТАЛАПТАР) – милдеттүүлүктүн (жоопкерчиликтин) же тараптын ортоктоштугу келишимде көрсөтүлгөн же мыйзамда белгиленген учурларда, маселен милдеттенменин предметин бөлүүгө мүмкүн эмес жагдайда келип чыгат. Ишкердик ишке байланышкан милдеттенме боюнча бирнече карызкордун милдеттери жана ушундай милдеттенмедеги бир нече кредитордун талаптары, эгер мыйзамдарда же милдеттенменин шарттарында башкача көрсөтүлбөсө, ортоктош болуп саналат. Карызкорлордун О. м. болгондо, кредитор баардык карызкорлордон чогуу же алардын арбиринен өзүнчө, карызды толук же жарым-жартылай аткарууну талап кылууга укуктуу. Кредитор карызкордон алганына толук ыраазы болбогон учурда калганын башка ортоктош карызкорлордон талап кылууга акылуу. Карызкорлордун бири тарабынан О. м. толук бойдон аткарылышы калган карызкорлорду кредиторго карата О. м-ден бошотот. Бирок ортоктош милдетти аткарган карызкор өз үлүшүн алып салып тең үлүштөргө бөлүү менен калган карызкорлорго карата регресстик талап коюуга укуктуу.

Можете поискать примеры использование слово Эл-Создук:
Ортоктош милдеттенмелер (талаптар)