|
ысык
|
|
сын. 1. Ысыган, ысуу аркылуу жогорку температурага жеткен. Кыштын күнү кара бороон, жайдын күнү адам чыдагыс ысык болот (Бөкөнбаев). Ысык суу. Ысык тамак. Ысык нан.
2. өт. Жаңы бышырылган, сууй элек, ыкчам тамак, оокат. Күндө бир убак ысык ууртабасам, бүткөн боюм курушуп туруп алат (Элебаев).
3. өт. Бири-бирин сүйгөн, жакшы көргөн, жакын, ынак. Ала-Тоо күндө көрсөң күндө кызык, Көзүңө бүгүнкүдөн эртең ысык (Шүкүрбеков). Бул тилектештик, курбулук ысык мамиле (Каимов). Тээ алыска жылт-жылт жанган көп тамдар, Эң бир ысык касиети бар сагынтар (Осмонов). Жанымдай ысык көрүнөт, Жүрөккө жакын жаткандай (Аалы).
♦Ысыкка күйүү, суукка тоңуу — турмуштун оорчулугун, кыйынчылыгын көтөрүү. Тоону, ташты мындан бетер күүлдөтүп жарып, ысыкка күйүп, суукка тоңуп жүрүшкөн (Сасыкбаев). Ысык салам — жалындуу, жүрөктөн чыккан салам. Эл-журтуңузга ысык салам айтам (Тоголок Молдо). Ысык суу — арашан, жылуу суу. Ар жеринде оргуп агат ысык суу, От жагылбай кайнап чыгат бышык суу (Осмонкул).
|
Мобилдик режим
=