Перевод слово «ок» с Кыргызского на Кыргызский язык в словаре - «Кыргыз тилинин түшүндүрмө сөздүгү (kg-kg)» в

Кыргыз тилинин түшүндүрмө сөздүгү (kg-kg)

ок

I зат. 1. Мылтык сыяктуу атылуучу куралдардын патронунун соз жагына кептелген сүйрү же тоголок коргошун. Житкен окту аткан ок табат (макал). Тараска ок тийип, оор жарадар болду (Сасыкбаев).
2. Жаанын жебеси. Жаанын огу жаңылды.
3. Снаряд. Замбиректин огу.
4. Патрон. Ок тизгич. Атууга камдалган ок.
♦ Ок-дары — согушка керектелүүчү нерселердин (патрон, дары, ок ж. б.) жалпы аталышы. Ок-дары калды азайып («Эр Табылды»). Бир нече ондогон кишилер.. ок-дарылардын складын жарууга катышты (Абдукаримов). Ок жаңылуу — ок тийүү. Окко учуу к. уч III. Айткулу үркүндө окко учкан (Баялинов). Ок аттатуу — атылган ок ичте калган кишинин үстүнөн күнөөсүз аялды аттатуу (элдин ишеними боюнча мындай учурда аял күйөөсүнө карата таза, ак жүрсө ок түшүп калат имиш). Алып келгин Чүрөктү, Ок аттатып калалык («Семетей»).
ОК II зат. Дөңгөлөктөрдүн, машиналардын айлануучу бөлүктөрүнүн айлануу борборуна коюлуучу темир; эки аттык арабанын алдындагы ат чегиле турган узун жыгачы. Арабанын ок жыгачын сууруп келди (Сыдыкбеков).
ОК III сырд. Көңүлгө туура келбеген сөз же жаман кабар угузган кишиге карата айтылып, чочугандыкты, корккондукту билдирүү иретинде колдонулат. — Ок, жаагыңа таш, кара жолтой! — деп тилдеди (Сасыкбаев).

ок

Ед. число

Множ. число

Кыргыз тилинин морфологиясы