Меню
Эл-Сөздүк
Найдены по другим направлениям

Континенттик шельф

КОНТИНЕНТТИК ШЕЛЬФ – жээгиндеги мамлекеттер анын табигый кен-байлыктарын чалгындоо жана иштетүү максатында эгемен укукту ишке ашырып жаткан, белгилүү кеңдиктеги, аймактык сууларга чектеш деңиз түбүнүн (кен-байлыктары менен кошо) району. К. ш-тин тышкы чеги континенттик материктин суу жээгинин сырткы чеги же материктин тышкы суу алдындагы чегарасы ушунчага созулбаса, жээктен 200 деңиз миль алыс аралыктан өтөт. К. ш-тин тышкы чегарасы баардык учурларда жээктен 350 деңиз милинен алыс эмес же 2500 метрлик изобаттан 100 деңиз милинен ыраак жайгашуусу керек. Жээктеги мамлекеттин К. ш-ке укугу анын суусуна жана анын үстүндөгү аба мейкиндигине да тийиштүү. Бул укуктарды ишке ашырууда жээктеш мамлекеттер 1982-жылкы деңиз укугу боюнча БУУнун Конвенциясында каралган башка укуктарды жана эркиндиктерди бузбоосу керек. Баардык мамлекеттер Конвенциянын жоболоруна ылайык К. ш-ке суу алдына кабель жана түтүктөрдү жүргүзүүгө укуктуу.

Можете поискать примеры использование слово Эл-Создук:
Континенттик шельф