|
Мораторий (такоол)
|
|
МОРАТОРИЙ (ТАКООЛ) (лат. moratorium – басаңдатуучу, мөөнөтүн жылдыруучу) – адатта белгилүү бир мөөнөткө чейин же согуш аяктаганга, табигый кырсык өткөнгө же дагы башка кыйчалыш кырдаал бүткөнгө чейин мамлекеттин өз милдеттенмелеринин, көбүнесе эларалык келишимдер боюнча, аткарылуу мөөнөтүн кийинкиге жылдырышы. Ал баардык милдеттенмелерге (жалпы М.) же айрымдарына гана жайылтылат. Кээде «М.» аталышы мамлекеттин кандайдыр бир аракетти жасоодон баштарткандыгын да билдирет (м.: өлүм жазасына карата аткарууга М.). КР жарандык укугу боюнча доо мөөнөтүнүн өтүшүн токтотот.
|
=
=