Найдены по другим направлениям
-
МААСЫ
-
өкчөсү жок, чулгоо оролуп кепич менен кийилүүчү кончтуу, жеңил бут кийим. Мунун жасалышына, жердигине карай «намеркан маасы», «кыром маасы» деген түрү бар. Алар оң жана сол бутка ылайыкталып, айырмалуу (эки жактуу) жана эки бутка бирдей (бир жактуу) тигилген.
Чеберлер кол булгаарыдан кашыктай сыйда мыкты маасыларды ултарып, ага чийме сынпос түшүрүүчү. Бул бут кийим эркектердин маасысы, ургаачылардын маасысы болуп экиге бөлүнөт. Жигиттердин жана кыз-келиндердин кийген маасыларынын кончунун алдыңкы бети чиймеленет. Андай элдик мүнөзгө эгедер көркөмдүк өтүк, жагдан, чыны кап, көөкөр, кечим (тердик), ээр өңдүү көн жана булгаары буюмдарына түшкөн кооздуктарга өтө үндөшүп турат. Буга наар (чийме — сынпостун бир түрү) берүүдө чеберлер «мүйүз», «кыял» сыяктуу элдик оюмдардын элементтерин учтантып, айкаштырып берет.
Кийинчерээк маасы жандыктын терилеринен ичтетилип, булгаарыдан тигиле баштады. Жердик жука болгондуктан, ага өсүмдүктөрдүн сабактарын, бак-дарактардын мөмө-жемиштеринин бутактарын жана жылдызчаланган сайма көчөттөрүн бир өңдө келтирүүдө. Ошондой эле башка өңдөгү булгаарыдан оюм чыгарып, аны маасынын маңдай бетине жабыштыруу же оюп коюп тигүү аркылуу ага кооздук берилүүдө. Азыр өнөр жайдык негизде көп нускада чыгарылып жаткан бул бут кийимге көркөм көчөттөр атайын сайма сая турган машинасы менен түшүрүлүп, дүкөндөргө такай чыгарылууда.
-
маасы
-
-
маасы
-
зат. Кончтуу, көбүнчө булгаарыдан жасалган такасыз, таманы жумшак бут кийим. Бутуна кийгени — чаначтай болуп агарып калган маасы (Байтемиров).
| Негизги мүнөздөмөлөрү |
|---|
| Сөз түркүмү | Зат атооч |
| Жекелик сан | маасы |
| Көптүк сан | маасылар |
Жөндөлүшү - "маасы"
Жекелик сан
| Жөндөмөлөр | Жекелик сан |
|---|
| Атооч Ким? Эмне? | маасы |
| Илик Кимдин? Эмненин? | маасынын |
| Барыш Кимге? Эмнеге? | маасыга |
| Табыш Кимди? Эмнени? | маасыны |
| Жатыш Кимде? Эмнеде? | маасыда |
| Чыгыш Кимде? Эмнеде? | маасыдан |
Көптүк сан
| Жөндөмөлөр | Көптүк сан |
|---|
| Атооч Кимдер? Эмнелер? | маасылар |
| Илик Кимдердин? Эмнелердин? | маасылардын |
| Барыш Кимдерге? Эмнелерге? | маасыларга |
| Табыш Кимдерди? Эмнелерни? | маасыларды |
| Жатыш Кимдерде? Эмнелерде? | маасыларда |
| Чыгыш Кимдерден? Эмнелерден? | маасылардан |
Мындан бөлөк Кыргызском тилинде табылган окшош сөздөр:
Можете поискать примеры использование слово Эл-Создук:
маасы
