Меню
Эл-Сөздүк

Кубаттуулук менен жабдуу келишими

КУБАТТУУЛУК МЕНЕН ЖАБДУУ КЕЛИШИМИ – жеткирип берүү келишимине жакын, соода-сатык келишиминин бир түрү. К. м. ж. к. боюнча жабдуучу уюм абонентке (керектөөчүгө) туташтырылган тармак аркылуу кубат берип турууга, ал эми абонент алган энергиясынын акысын төлөөгө, ошондой эле аны пайдалануунун келишимде каралган тартибин сактоого, өзүнүн ээлигиндеги кубат тармактарынын коопсуздугун жана энергияны пайдаланууга байланышкан жабдуулар менен жарактардын оң абалда болушун камсыз кылууга милдеттенет. Абонент менен К. м. ж. к. анын баардык талаптарга жооп берген, кубаттуулук менен жабдуучу уюмдун тармагы менен туташкан кубат кабылдоочу жабдуусу, кубатты эсепке алуучу башка тийиштүү жарак-жабдуулары болгондо гана түзүлөт.

Можете поискать примеры использование слово Эл-Создук:
Кубаттуулук менен жабдуу келишими