|
Асылдандыруу жетишкендиктери
|
|
АСЫЛДАНДЫРУУ ЖЕТИШКЕНДИКТЕРИ – жарандык-укук коргоосунун өзгөчө объектиси болуп саналган жаныбарлардын тукуму, өсүмдүктөрдүн түрү. А. ж-не карата укук мыйзам тарабынан корголуп, патент ээсинин А. ж-н пайдалануу укугун күбөлөндүрүүчү патент аркылуу бекемделет. Патент коргоо жөндөмдүүлүгүнө жооп берүүчү жана КРдин эларалык милдеттенмелерин эске алуу менен, тийешелүү мамлекеттик органдар тарабынан бекитиле турган ботаникалык түрлөрү менен зоологиялык тукум тизмегине кирүүчү А. ж-не берилет. А. ж-нин коргоо жөндөмдүүлүгүнүн белгилери: а) жаңычылдыгы; б) айырмалуулугу; в) тукум куучулугу (өсүмдүк – түрлөрү, жаныбарлар – тукуму көбөйүү өзгөчөлүгү катары айрым четтеп кетүүлөрү эске алынуу менен, өз белгилери боюнча жетиштүү деңгээлде бирдей болууга тийиш); г) туруктуулугу. Эгер бирнече жолу көбөйгөндөн кийин же көбөйүүнүн өзгөчө айлампасындагы ар айлампанын аягында анын негизги белгилери өзгөрүлбөй калса, А. ж. туруктуу болуп саналат.
|
=
=