|
Кредитный договор
|
|
КРЕДИТТИК КЕЛИШИМ – банк же башка кредиттик уюм (кредитор) карыз алуучуга келишимде каралган өлчөмдө жана шартта акча каражатын (кредит) берүүгө милдеттенген, ал эми карыз алуучу алган акча каражатын жана анын пайызын кошо төлөп берүүгө милдеттене турган жарандык-укуктук келишим. К. к. – карыз боюнча келишимдин өзгөчө түрү, бирок ал реалдык жагы менен эмес, консенсуалдык жагынан айырмаланат. К. к-дин өзөгүн дайыма акча түзгөндүгү менен өзгөчөлөнүп турат (товардык кредиттен башка учурларда).
|