|
Кредитная карточка
|
|
КРЕДИТ КАРТОЧКАСЫ – банк же адистештирилген мекеме-эмитент тарабынан чыгарылып, анын ээсинин эсебиндеги каражат өлчөмүн ырастоочу жана ал эмитенттин карточкасы боюнча эсеп-кысап жүргүзүүнүн катышуучусу болгон чекене соода ишканаларынан накталай акча төлөбөй туруп товар сатып алууга жана кызмат көрсөтүүгө (тейлөө кызматын көрсөтүү чөйрөсүндө) укук берүүчү жеке акча документи. К. к-нын жардамы аркылуу эсептешип жатып, карточка ээси соода-сатык ишканасы (тейлөө кызматы) анын атына жол-жоболоштура турган эсепке кол коёт. Ал мезгил-мезгили менен К. к. ээсинин эсебинен тийешелүү өлчөмдөгү каражатты эсептен чыгаруучу К. к. эмитенти менен өзара эсеп-кысап иштерин жүргүзүп, аларды соода ишканасынын эсебине которуп турат. Эмитенттер адатта К. к. ээлеринен эсеп ачылгандыгы үчүн бир жолку акы алат, андан ары такай (адатта жылына бир ирет), атайын коюлган көлөмдө же К. к-н пайдалануу менен жүргүзүлгөн эсеп-кысаптын өлчөмүнө карай пайыздык катышта акы алып турат.
|
Mobile view
=