|
Банковская тайна
|
|
БАНК СЫРЫ – жарандык укуктун өзгөчө институту. Банкка аны тейлөөдөн улам маалым болгон кардардын (корреспонденттин) эсептери (аманаттары) тууралуу маалыматтар, кардардын тапшыруусу же анын пайдасы үчүн ишке ашырылган аткарымдар (бүтүмдөр) жөнүндө маалыматтар, ошондой эле кардардын өзү тууралуу маалыматтар, банктар ортосунда маалыматтарды алмашуунун натыйжасында белгилүү болгон башка банктардын кардарлары тууралуу маалыматтар жана банк менен кардардын ортосундагы мамилелердин жүрүшүндө банкка ишенип билдирилген же ага белгилүү болгон башка аргандай маалыматтар Б. с. болуп эсептелет. Тыюу салуу банктын мурдагы кардарларына да, мындай кардарлардан алынган баардык маалыматтарга да тийешелүү. Мындан тышкары, банкта эсеби бар же жок экендигине карабастан, тыюу салуу банк тарабынан кызмат көрсөтүлгөн баардык жактарга тийиштүү. Б. с-на кирген маалыматтар кардардын өзүнө же анын өкүлүнө гана берилет. Мамлекеттик органдар менен анын кызмат адамдарына мыйзамда каралган тартипте жана өзгөчө учурларда гана маалымат берилет.
|
Мобилдик режим
=