|
ИСАКОВ
|
|
ИСАКОВ Бектур Сыдыкович (1941, Талас району, Арал айылы) — кыргыз тили жана адабияты мугалими, 1964-ж. Кыргыз мамлекеттик университетин бүтүргөн. «Манас» эпосун окутуу» усулдук (методикалык) китебинин автору. Кыргыз ССРинин, СССРдин эл агартуу отличниги. Мектеп окуучулары үчүн окуу китептерин, усулдук бир нече китепти түзүүгө катышкан, көптөгөн илимий макалалар жазган. «Манас» тарыхый-этнографиялык комплексин уюштурууга көп салым кошууда.
1990-жылдан тартып И. иштеген Арал орто мектебинин базасында алдыңкы тажрыйбаны үйрөнүүнүн жана жайылтуунун жумурияттык мектеби иштеп жатат.
|
=
=