|
Опуза (коркутуп-үркүтүү)
|
|
ОПУЗА (КОРКУТУП-ҮРКҮТҮҮ) – укукта оозеки, жазуу жүзүндө же башка жолдор менен кандайдыр бир жакка же коомдук кызыкчылыкка, адам денесине залал келтирүү менен, материалдык же башка зыян тарттыруу нийетин билдирүү; адам үстүнөн болгон психикалык зомбулуктун бир түрү. Кылмыш-жаза укугунда О. өзүн өзү өлтүрүүгө жеткирүүнү, жашы жетелек адамды кылмыш жасоого түртүүнү, банктык же коммерциялык сырга жатуучу маалыматтарды мыйзамсыз алууну жана башка кылмыштарды жасоону билдирет. Күч колдонуу менен О. дагы биркатар кылмыш курамдарынын жиктөөчү белгиси болуп саналат. Өлтүрөм деп О-лоо же саламаттыкка оор залал келтирүү менен О-лоо – өзалдынча кылмыш курамы болуп эсептелет.
|
=
=