|
Менчиктештирүү чеги
|
|
МЕНЧИКТЕШТИРҮҮ ЧЕГИ – көрсөтүүчүнүн максаттуу багыты бар мамлекеттик баалуу кагаз. Менчиктештирилген мамлекеттик жана муниципалдык менчиктеги объектерге төлөөгө гана багытталган. М. ч-нин колдонулуу мөөнөтү мамлекеттик орган тарабынан белгиленген жана аны чыгарууда М. ч-нин өзүндө көрсөтүлгөн. Мөөнөтү бүткөндөн кийин, ошондой эле менчиктештирүү объектисине төлөө үчүн пайдаланылгандан кийин М. ч. жоюлууга жатат. М. ч-не мамлекеттин аймагында туруктуу жашап турушкан баардык жарандар укуктуу болушкан. Азыркы учурда колдонулбайт. КРде М. ч. купон деп аталган жана атайын төлөм каражаты катары менчиктештирүү учурунда гана менчиктештирүүнүн мамлекеттик программаларына жана КР мыйзамдарына ылайык колдонулган. Купон акчалай наркка ээ болгон эмес жана адистештирилген аукциондордо менчиктештирилүүчү ишканалардын акцияларына алмаштыруу, аларды купондор менен аткарымдарды жүргүзүүгө ыйгарым укуктуу адистештирилген инвестициялык фонддорго чегерүү, ошондой эле туракжай фондун менчиктештирүүгө багытталган.
|
=
=