|
Шайлоо жүрүмү
|
|
ШАЙЛОО ЖҮРҮМҮ – шайлоо тутумунун негизги белгилеринин бири. Ш. ж. төмөнкүлөрдү камтыйт: а) шайлоону дайындоо (адатта, ал мамлекет башчысынын же мыйзам чыгаруу органынын милдетине кирет); б) шайлоочуларды мыйзамда каралган тартипте каттоодон өткөрүү; в) өкүлчүлүк принциби боюнча түзүлүүчү (аймактык, улуттук, өндүрүштүк ж. б.) шайлоо округдарын, райондорун ж. б. у. с. уюштуруу, ошондой эле добуш берүү үчүн шайлоо участоктору менен атайын жайлар да түзүлөт; г) талапкерлерди көрсөтүү (адатта, ал саясий партиялар, шайлоо шериктери, айрым учурда шайлоочулардын, эмгек жамааттарынын ж.б. чогулуштары тарабынан жүргүзүлөт); д) добуш берүүнү өткөрүү (бир же 2 айлампа аркылуу); е) жергиликтүү жана борбордук шайлоо органдары тарабынан жүргүзүлө турган берилген добушту саноо жана депутаттык мандатты бөлүштүрүү.
|
=
=