|
БӨГӨЛ
|
|
БӨГӨЛ — кырк чоронун бири. Ысымы дайыма Кайгыл, Тоорулчу чоролор менен бирге айтылат. «Кайгуул», «Тоорул» деген аскердик терминдер «кароол», «чалгын» деген мааниге ээ синоним сөздөр, Б-дүн мааниси да аларга жакын «бөгөө», «тосуу» дегенди билдирет. Демек, бул үч чоронун аскердик кызматын (чалгынчы) билдирген жалпы аты, кийинки айтуучулар тарабынан энчилүү ысым катары айтылып калган. «Бөрү жолдуу» деген эпитет да Б-дүн аткарган кызматын белгилеп турат. Манас Каныкейге күйөөлөп баргандагы ат чаап жар тандоодо Бөрүкөк тулпары жыйырма сегизинчи келип Б. тагдырына буюрган Жанымжанга үйлөнөт (Сагымбай Орозбаков, 2. 420, 426). Чоң казатка катышкан чоролордун бири катары да эскерилет.
|
Мобилдик режим
=