|
Сатып алуунун артыкчылык укугу
|
|
САТЫП АЛУУНУН АРТЫКЧЫЛЫК УКУГУ – жалпы менчиктин кайсы гана катышуучусунун болбосун катышуучулардын бири сатып жаткан баа боюнча жана башка тең шарттарда (жалпы ачык тооруктарда сатылгандан башка учурларда) башка жактарга караганда үлүштү сатып алууга артыкчылыктуу укугу. Үлүштүн сатуучусу жалпы менчиктин калган катышуучуларына өзүнүн үлүшүн башкаларга сатканы жатканы тууралуу ниетин, анын баасын жана башка шарттарын кабарлоого тийиш. Эгер калган катышуучулар үлүштү сатып алуудан баш тартышса, же бир айдын ичинде сатылып жаткан үлүштү – кыймылсыз мүлктү менчик укугуна, ал эми кыймылдуу мүлктү 10 күндүн ичинде сатып алышпаса, сатуучу аны кимге да болбосун сатып ийүүгө акылуу. Үлүштү сатууда С. а. а. у. бузулган шартта жалпы менчиктин кайсы гана катышуучусу болбосун 3 айдын ичинде (сот тартибинде) сатып алуучунун укуктарын жана милдеттерин өзүнө которууну талап кылууга укугу бар. С. а. а. у-нда эпке келүүгө жол берилбейт.
|
=
=