|
Право авторства
|
|
АВТОРДУК УКУК – автордун моралдык укуктарынын бири, илим, адабият, көркөм өнөр жагында чыгарма жараткан адамды ошол чыгарманын автору катары таануу. КР жарандык мыйзамы, автордук укук жана чектеш укуктар жөнүндө КР мыйзамы, КР патент мыйзамы ж. б. менен корголот. Аларга ылайык А. у. мөөнөтсүз корголот. Автор мурастоонун аткаруучусу дайындалган тартипте, өзү каза болгондон кийин А. у-ту коргой турган адамды көрсөтүүгө акылуу. Ал адам өз ыйгарым укуктарын өмүрү өткөнчө ишке ашырат. Мындай көрсөтмө болбогон учурда, А. у. анын мураскорлору же (эгер алар жок болсо) КР атайын ыйгарым укуктуу органы тарабынан корголот.
|
=
=