|
Процесстик укук улантуучулук
|
|
ПРОЦЕССТИК УКУК УЛАНТУУЧУЛУК – жарандык процесстин тарабы болгон бир адамдын, башкага, ага талаш-тартыштагы материалдык укуктардын (милдеттердин) өтүүсү менен шартталган алмашуусу. КР жарандык-процесстик мыйзамдары боюнча сот, эгер төмөнкүдөй фактылар пайда болсо, бир тараптын анын укук улоочусу менен алмашуусуна жол берет: жарандын өлүмү, юридикалык жактын кайра уюмдаштырылуусу, талаптарды коюу, карызды кайтаруу жана башка материалдык укук мамилелериндеги жактардын алмашуулары. Укук улантуучулук процесстин каалаган баскычында болушу мүмкүн. Укук улоочу процесске аралашканга чейинки бүткөрүлгөн баардык аракеттер укук улоочу алмаштырган жак үчүн канчалык милдеттүү болсо, ошончолук милдеттүү болуп эсептелет.
|
=
=