|
Окуя болгон жерди кароо
|
|
ОКУЯ БОЛГОН ЖЕРДИ КАРОО – жерди, орунжайды, нерселерди, документтерди жана башка материалдык объекттерди карап чыгуудан турган тергөө иш-аракети жана ал кылмыштын изин табуу, иш үчүн маанилүү болгон башка жагдайларды айкындоо максаттарында жүргүзүлөт. Зарыл болгон учурларда О. б. ж. к-нун жүрүшүндө ченөө, фотосүрөткө тартуу, үн жазуу жана көрмө тартуулар жүргүзүлөт, пландар жана чиймелер чийилет, издердин кептери жана калыптары алынат, мүмкүн болгон учурларда ал үчүн мыйзам жол берген техникалык каражаттарды жана усулдарды колдонуу менен издердин өздөрү, нерселери же алардын бир бөлүгү менен кошо алынат. О. б. ж. к. калыс күбөлөрдүн катышуусу менен өткөрүлөт. Өзгөчө учурларда (баруу кыйын болгон жерлерде, тийешелүү техникалар жок болгон жагдайларда, ошондой эле кароону өткөрүү адамдардын денсоолугу жана өмүрү үчүн коркунучтуу болгондо) О. б. ж. к. калыс күбөлөрдүн катышуусу жок эле өткөрүлүшү мүмкүн.
|
=
=