Кыргыз Республикасынын Тышкы иштер министрлиги

Эл аралык мамилелер жана дипломатия терминдердин жана айтылыштардын орусча-кыргызча сөздүгү

Русско-кыргызский словарь терминов и выражений в сфере международных отношений и дипломатии

Бишкек 2013-жыл

Түзгөн: Байымбетова Гүлбарчын Сулаймановна

Колуңуздагы сөздүк республикабызда Мамлекеттик тил жөнүндө мыйзамдарды ишке ашыруу, мамлекеттик тилди өнүктүрүүгө салым кошуу максатында толукталып, өзгөртүлүп кайрадан иштелип чыкты. Кыргыз Республикасынын Тышкы иштер министрлигинин, Кыргыз Республикасынын чет өлкөлөрдөгү дипломатиялык өкүлчүлүктөрүнүн, консулдук мекемелеринин мамлекеттик тилде иш кагаздарын жүргүзүүчү, ошондой эле илимий тексттер менен иштей турган кызматкерлерине көмөк көрсөтүү максатында даярдалды. Бүгүнкү күндүн талабы боюнча министрликте жүргүзүлгөн иш кагаздар: нота, кайрылуу, куттуктоо, ыраазычылык каттардын түп нускасы мамлекеттик тилде жазылууда. Сөздүктө дипломатиялык багыттагы аталыш жана айтылыштардын котормосу, эл аралык уюмдардын аталыштарынын кыскартылып айтылышынын чечмелениши, Кыргыз Республикасынын чет мамлекеттерге дайындалган элчилери чет мамлекеттин башчыларына тапшыруусу үчүн Ишеним жана Чакыруу грамоталардын, кошулуу жана ратификациялоочу грамоталардын, ж.б. дагы дипломатия чөйрөсүндө үзгүлтүксүз керектүү документтердин үлгүлөрү берилген.