Перевод слово «так» с Кыргызского на Кыргызский язык в словаре - «Кыргыз тилинин түшүндүрмө сөздүгү (kg-kg)» в

Кыргыз тилинин түшүндүрмө сөздүгү (kg-kg)

так

I зат. Темгил-темгил из, бир нерсенин изи билинип турган орду. Майдын тагы. Кирдин тагы. Колунун тагы түшүп калуу.
♦ Жүрөгүнө же көңүлүнө так салуу — капа кылуу, унутулгус, ойдон кетпес ызага, капага дуушар кылуу.
ТАК II зат. Хандын, падышанын бийлик (сурак) жүргүзүп, кабыл алып отура турган, кооздолгон жана көтөрүңкү жайга орнотулган орду. Тегереги чынар бак, Ортосунда алтын так («Эр Төштүк»).
2. Хандын, падышанын бийлиги, бийлик абалы. Падыша кулап тагынан, Башынан бакты жылган жер (Үмөталиев).
ТАК III зат. Жуп сандын карама-каршысы, жуп сан менен алмашып келүүчү (мис., 1, 3, 5, 7 ж. б.).
♦ Так сан — тең экиге бөлүнбөй турган, жупталбай турган сан (жуп сандын карама-каршысы). Так өтүү — үйлөнбөө (эркекке карата) же турмушка чыкпоо (кызга карата), өмүр бою бойдок жүрүү. Чын эле дүйнөдөн так өтөмбү? (Каимов).
ТАК IV такт. 1. Дал, нак. Күн так чокуга келип, өзүнүн жалындуу нурларын төгүп турат (Абдукаримов). Эзелден элим көксөгөн, Эркиндик заман так ушул (Бөкөнбаев).
2. Даана, ачык. Так сүйлөө. Комузду күүлөп бүтүп, Майлыбайдын күүсүн так-так кайрып чертти (Бөкөнбаев).
ТАК V: так этүү — катуу нерсеге тийип, урунуп дабыш салуу.
♦ Ак эткенде так этүү — бир нерсени өтө каалоо, эңсөө, ынтызар болуу, дегдөө. Жапар Жамила дегенде ак эткенде так этип, назик үнүн угууга кумар эмес беле? (Баялинов). Так катыруу — какшытуу; куру калтыруу.
ТАК VI сырд. Жылкыны токтоткондо, жоошутууда колдонулуучу сөз. Так, ай кула, тебинбе, Сүт берүүдөн эринбе! (Осмонов). Сур ойт берип кошкурганда, Нур акең «так-так» деди (Аалы).
ТАК VII этиш. 1. Кадоо, илүү. Топчу так. Орден так.
2. өт. Тапшыруу. Бул милдетти эл тагат, партия тагат (Сыдыкбеков).
♦ Сын тагуу к. сын I.

так

Ед. число

Множ. число

Кыргыз тилинин морфологиясы