|
Условные сделки
|
|
ШАРТТУУ БҮТҮМДӨР – алардын юридикалык натыйжалары болоор-болбосу белгисиз болгон шарттарга (үчүнчү жактын аракетери жана окуялар) байланыштырылган бүтүмдөр. Эгер көрсөтүлгөн шарттар аны жасоо учурунда келип жетсе, же келүүсү айдан ачык белгилүү болсо, андай бүтүм шарттуу деп эсептелбейт. Шарттар кийинкиге калтыруучу же жокко чыгаруучу болуусу ыктымал. Ал боюнча укуктар жана милдеттенмелер кандайдыр бир шарттарга байланыштуу болсо, бүтүм кийинкиге калтыруучу шарттарда түзүлгөн деп эсептелет. Ал бүтүм боюнча укуктардын жана милдеттенмелердин токтотулушу кандайдыр бир жагдайларга байланыштуу болсо, бүтүм жокко чыгаруучу шарт менен түзүлгөн бүтүм деп эсептелет. Бүтүмдө көрсөтүлгөн шарттардын келип чыгуусу пайдалуу болбогон жак ага караниеттик менен тоскоолдук кылган учурларда шарттар аткарылган катары таанылат. Эгер шарттардын келип чыгуусу пайдалуу болгон жана ага караниеттик менен көмөктөшсө, анда шарттар аткарылбаган катары таанылат.
|
Мобильный режим
=