|
Мандат (представительский, депутатский)
|
|
МАНДАТ (өкүлчүлүк, депутаттык) (лат. mandatum – тапшырма) – өкүлчүлүктүн юридикалык мамилеси, ошондой эле ал өкүлчүлүктүн мыйзамдуулугун күбөлөндүргөн документ. Депутаттык М. – эл өкүлүнүн ыйгарым укугунун толуктугун жана мыйзамдуулугун күбөлөндүрө турган документ, ошондой эле парламент депутатына жана да башка шайлануучу бийлик өкүлдөрүнө жүктөлүп, мазмуну (М. мүнөзү) баш мыйзам жана конституциялык-укуктук актылар аркылуу аныкталуучу элге белгилүү иш-милдети. Ал ошондой эле депутаттын өз шайлоочулары менен болгон өзара мамилесинин мүнөзүн да аныктап турат. Азыркы демократиялык багыттагы мамлекеттерде депутатты кандайдыр бир шайлоо округунун эмес, жалпы улуттун өкүлү катары караган жалпы улуттук М. кабыл алынган. Андай депутат шайлоочулардын эчкандай суроо-талаптарына байланбайт жана М. мөөнөтү бүткөнгө чейин кайра чакыртылып алынбайт.
|
Мобильный режим
=