|
Двухпалатная система (бикамерализм)
|
|
ЭКИ ПАЛАТАЛУУ ТУТУМ – эреже катары, ар түрдүү жана арбашка компетенциялуу негизде уюштурулуучу, 2 палатадан турган жалпы улуттук парламенттердин түзүмү. Төмөнкү палата ар дайым түздөнтүз эл тарабынан шайланат. Ал эми жогорку палата аргандай ыкмалар менен – түз эмес шайлоо жолу менен (Франция, Германия, Австрия) же түз шайлоо тартиби аркылуу (АКШ, Италия, Япония) түзүлөт. Айрым өлкөлөрдө жогорку палата мурастоо белгилерине жараша да түзүлөт (Улуу Британия), болбосо алардын мүчөлөрү мамлекет башчысы тарабынан дайындалат (Канада). Кээде аралаш тартип да колдонулат. Жогорку палатанын депутаттыгына талапкерлерге салыштырмалуу бир кыйла катуу талаптар коюлат (бир кыйла жогорку жаш курак чеги ж. б. белгиленет). Азыркы учурдагы парламенттердин көпчүлүгүндө жогорку жыйындын укуктары төмөнкүнүкүнө салыштырмалуу биртоп чектелген. (м.: көп мамлекеттерде каржылоо маселелери боюнча мыйзам долбоорлору төмөнкү палата тарабынан гана сунуш кылынат, ал эми жогорку палата анын кабыл алынышына таасирин тийгизе албайт).
|
Мобильный режим
=