|
Ээрчүү укугу
|
|
ЭЭРЧҮҮ УКУГУ – 1) буюм укугунун белгилеринин бири. Э. у-нун маңызы мүлккө менчик укугунун башка жакка өтүүсү ал мүлккө карата башка буюмдук укуктардын токтотулуусуна негиз болуп бере албашында турат. Башкача айтканда, укук буюмду ээрчийт. «Э. у.» деген аталыш ушундан чыккан. 2) искусство чыгармасынын авторунун ал мурдагы баасынан ашык баа боюнча мыйзамда белгиленген өлчөмдө ачык кайра сатылган учурда (аукцион, сүрөт искусство галлереясы, көркөм салон, дүкөн ж. б. аркылуу) сатуучудан кайра сатуу баасынын пайызы түрүндө сыйакы алуу укугу. Э. у. автордук укугундай эле мөөнөткө ээ болот жана ажыратылбайт: автордун көзү тирүүсүндө ал ага гана таандык болот, көзү өткөндөн кийин – мураскерине гана өтөт.
|
Мобильный режим
=