|
Эксаймактуулук
|
|
ЭКСАЙМАКТУУЛУК (лат. ех – сырткы) – жергиликтүү мыйзамдардын аракет-күчүнөн бошотулган жана өздөрү тийиштүү болгон мамлекеттин мыйзамдарынын аракет-күчүнө баш ийдирилген (жарым-жартылай же толук өлчөмдө) жеке же юридикалык жактардын, же болбосо объекттердин статусу. Азыркы мезгилде Э. институту «Дипломаттык карым-катыштар жөнүндө» 1961-жылдагы Вена конвенциясынын, «Консулдук карым-катыштар жөнүндө» 1963-жылдагы Вена конвенциясынын жана башка көп тараптуу эларалык келишимдердин жоболоруна ылайык берилген дипломаттык жана консулдук артыкчылыктар жана иммунитеттер түрүндө жашап турат. Мыйзамдуу түрдө чет мамлекеттин аймагында турган деңиз жана аба кемелери Э-тан пайдаланышат (БУУнун 1982-жылдагы Деңиз укугу боюнча Конвенциясынын 32-статьясы).
|
Мобильный режим
=