|
Чарба жүргүзүү укугу
|
|
ЧАРБА ЖҮРГҮЗҮҮ УКУГУ – КР жарандык мыйзамдары боюнча мүлккө ээлик кылуу, пайдалануу жана тескөөнү ишке ашыруу боюнча чектөөлөргө ээ буюм укуктарынын бир түрү. Мамлекеттик же муниципалдык ишканалар таризиндеги юридикалык жак гана Ч. ж. у-нун субъекттери боло алышат. Мүлкү Ч. ж. у-на таандык ишкана ал мүлккө ээлик кылууну, пайдаланууну жана тескөөнү мыйзамда белгиленген гана чектерде жүргүзөт. Чарба жүргүзүүдөгү мүлктүн ээси ишкана түзүү, анын ишинин затын жана максатын аныктоо, аны кайра уюштуруу жана жоюу маселелерин чечет, аны кайра уюштурат жана жоёт, ишкананын директорун (жетекчисин) дайындайт, ишканага таандык мүлктүн багыты боюнча пайдаланылышын жана сакталышын көзөмөлдөөнү ишке ашырат. Менчик ээси ишкананын чарба жүргүзүүсүндөгү мүлктү пайдалануудан түшкөн пайданын бир бөлүгүн алууга укуктуу. Ишкана чарба жүргүзүү укугунда өзүнө таандык кыймылсыз мүлктү менчик ээсинин макулдугусуз сатууга, аны ижарага, күрөөгө берүүгө, чарбалык шериктештердин жана коомдордун уставдык капиталына салым түрүндө кошууга же башка ыкма менен башкарууга укуксуз. Ишканага таандык калган мүлктөрдү ал КР мыйзамдарында каралгандан башка учурларда өзалдынча башкарат.
|
Мобильный режим
=