|
Лизинг төлөмдөрү
|
|
ЛИЗИНГ ТӨЛӨМДӨРҮ – лизинг алуучунун лизинг келишими боюнча берилген мүлктү пайдаланганы үчүн төлөмү. Лизинг берүүчүгө төлөнүүчү Л. т. түрүндө ишке ашырылат. Төлөөнүн өлчөмү, ыкмасы, таризи жана мөөнөттөрү тараптардын макулдашуулары боюнча лизинг келишиминде белгиленет. Эгер лизинг алуучу жана лизинг берүүчү лизинг төлөмдөрү боюнча эсептешүүлөрдү лизинг буюмунун жардамы менен өндүрүлгөн азык-түлүктөр (натуралай) ишке ашыра турган болсо, андай азык-түлүктөрдүн баасы лизинг келишиминин тараптарынын макулдашуулары боюнча аныкталат. Лизинг алуучунун Л. т-н төлөө боюнча милдеттенмелери, эгер лизинг келишиминде башка жагдайлар каралбаса, анда лизинг алуучу лизинг буюмдарын пайдалана баштаган учурдан тартып күчүнө кирет.
|
Мобильный режим
=