|
Кокустуктан улам талкалануу тобокели (мүлктүн)
|
|
КОКУСТУКТАН УЛАМ ТАЛКАЛАНУУ ТОБОКЕЛИ (мүлктүн) – милдеттенме алган тараптардан көз карандысыз (күтүүсүз окуя, жеңгис күч) мүлктүн талкалануу же бүлүнүүсүнө байланыштуу мүмкүн болгон чыгым тартуу тобокели. Жарандык укук боюнча, менчик укугу (ыкчам башкаруу укугу) өткөн маалды аныктоо менен байланышып, менчик ээси тарабынан ажыратылган буюмдун (чыгымдын) кокустуктан улам талкаланышынын (бүлүнүшүнүн) жагымсыз кесепетинин кимге жүктөлө тургандыгына барып такала тургандыгы жөнүндөгү маселени чечүү. Эгер келишимде башкача каралбаса, менчик укугунун пайда болушу менен бирге эле, К. у. т. т. сатып алуучуга өтөт. Ошондон улам, жалпы эреже боюнча буюмдун талкаланышына же бүлүнүшүнө байланыштуу чыгымды анын ээси көтөрөт, бирок тараптар өз келишиминде башкача тартипти белгилеши мүмкүн, м.: К. у. т. т. анын наркы төлөнгөндөн тартып сатып алуучуга өтөт. Бирок, эгерде ажыратуучу кабыл алуунун мөөнөтүн узартып жиберсе, ал мөөнөтүн узарткан тарап катары К. у. т. т-н тартат. Аткаруу келишими жөнүндө эрежелерде аткаруучунун тобокелдик принциби белгиленген. Ушуга ылайык, тараптарга тийешеси жок кокустуктан улам жалданып аткаруу иши токтоп калса же ишти бүткөрүүгө мүмкүнчүлүк болбосо, аткаруучу сыйакы берүүнү, чыгым ордун толтурууну тапшырык ээсинен талап кыла албайт, ал эми тапшырылган иш кокусунан начарлап калса же кармалып калса, ал тапшырык ээсинин тарткан чыгымын төлөп берүүгө тийиш.
|
Мобильный режим
=