|
Шертпул
|
|
ШЕРТПУЛ – милдеттенмени камсыз кылуунун бир ыкмасы. Өзара макулдашып жаткан тараптардын бири келишим түзүлүп, анын аткарыла башташынын далили катары төлөм келишими боюнча эсептен башка бир тарапка алдынала берген акча өлчөмү. Ал милдеттенме аткарылганга чейин эле тараптардын макулдугу боюнча же мүмкүнчүлүктүн жоктугунан улам токтотулуп калса, мурда берилген Ш. кайра кайтарылууга тийиш. Эгерде келишимдин аткарылбай калышына Ш. берген тарап жоопкер болсо, Ш. ошол бойдон экинчи тарапта кала берет. Эгер келишимдин аткарылбай калышына Ш. алган тарап күнөлүү болсо, ал берилген Ш-ду эки эсе өлчөмүндө кайрып берүүгө милдеттүү. Мындан сырткары, келишимде андан башка шарт каралбагандыктан, келишимдин аткарылбай калышына жоопкерчилик тарткан тарап Ш. менен кошо баардык чыгымдардын ордун толтуруп берүүгө милдеттүү.
|
=
=