Меню
Эл-Сөздүк
Найдены по другим направлениям

Соттолгондукту жоюу

СОТТОЛГОНДУКТУ ЖОЮУ – соттолгондуктун аракетинин кылмыш-жаза мыйзамдарында белгиленген мөөнөт аяктагандан кийин өзүнөн өзү, б. а. соттун ушул маселе боюнча өзгөчө чечимин чыгарбастан эле токтолушу. КР кылмыш-жаза мыйзамы боюнча соттолгондук төмөндөгү учурларда жоюлат: 1) шарттуу соттолгон адамдарга карата – сыноо мөөнөтү аяктагандан кийин; 2) эркиндигинен ажыратуу жазасынан жумшагыраак жазага соттолгон адамдарга карата – жазаны өтөгөндөн кийин 1 жыл өткөндө; 3) анча деле оор эмес кылмыштар үчүн эркиндигинен ажыратууга соттолгон адамдарга карата – жазаны өтөгөндөн кийин 3 жыл өткөндө; 4) анча оор эмес кылмыштар үчүн соттолгон адамдарга карата – жазаны өтөгөндөн кийин 5 жыл өткөндө; 5) оор кылмыштар үчүн соттолгон адамдарга карата – жазаны өтөгөндөн кийин 8 жыл өткөндө; 6) өзгөчө оор кылмыштар үчүн соттолгон адамдарга карата – жазаны өтөгөндөн кийин 10 жыл өткөндө. Эгер соттолгон адам жазаны өтөөдөн мыйзамда белгиленген тартипте мөөнөтүнөн мурда бошотулса, же жазанын өтөлө элек бөлүгү кыйла жеңил жаза менен алмаштырылса, анда С. ж. мөөнөтү иш жүзүндө өтөгөн жаза мөөнөтүнө жараша, негизги жана кошумча жаза түрлөрүн өтөөдөн бошотулган учурдан баштап эсеп-телет.

Можете поискать примеры использование слово Эл-Создук:
Соттолгондукту жоюу